الشباكية

السلام عليكم ورحمة الله تعالى وبركاته

عواشركم مبروكة 

الشباكية
-كلغ طحين فورص او 4 زلايف +زلافة صغيرة سبيسيال + 1أصفربيضة + 1كاس زيت زيتون + 1كاس جلجلان محمر ومطحون+ ربع كاس خل + 2ملاعق كبار نافع مطحون + 1 كأس الزبدة + 1ملعقة صغيرة قرفة مدقوقة + كاس لوز مطحون بقشره+ قليل من الزعفران شعرة + قليل من خميرة الخبزقد لفولة + قبصة من الملح + ماء الزهرللعجن
زيت للقلي
طريطقة من المسكة الحرة المدقوقة نرميها في قليل من المسكة الحرة المدقوقة وشوي ماء زهر إذا كان العسل ثقيل
العسل
للتزيين
جلجلان محمر
الطريقة
نغربل الطحين مع بعض والملح والقرفة والنافع ونضيف عليهم اللوز وجلجلان والزعفران وشوي زعفران الملون ونخلطهم مع بعض ثم نضيف الزبذة والزيت ونبسسهم مزيان بحال غريبة وندوز نأخذ كسرولة ونضع فيها مازهروالخل ونذفيهم شوي ونزولهم من النار ونضيف ليهم الخميرة ونعجن بهم ونخليها قاسحة وندلكها مزيان حتى ترطاب في إدينا عاد نقسم العجينة كويات صغار وتوضع بكيس بلاستيكي نخليها ترتاح 10 دق ونبدأ نسرح بالكويرة ونشكلها وردة ونضع في صينية الشباكية ونغطي بمنديل باش ماتنشف بالهواء وملي نكمل كلشي نذوز لمرحلة القلي نضع كمية وفيرة من الزيت الرومية في مقلة عميقة ونشعل عليها نخليها تسخن ونحضر إناء آخر يكون واسع وعميق ونك فيه العسل مخلط بشوي مسكة حرة وشوي ماءزهر ومن أخرى قصعة عليها مصفاة أو شبكة الفرن لنضع عليها الحلوى تتقطر العسل الزائد وترش مباشرة بجلجلان وبالصحة
نبدأ قلي المشبكات الأوائل

كيك السميدة

كيك السميدة

المقادير 

1 ياغورت فنيلا

4 بيضات

3 كيس خميرة كيماوية

رابعة سميدة رقيقة

كاس (ياغورت)زيت

1 كاس (ياغورت) سنيدة

1 كاس (ياغورت) كوك

قشرة حامضة محكوكة

قبصة ملح 

الطريقة

نخلط جميع المقادير ونصبها في مول مدهون بالزبدة و مرشوشة بالسميدة وعند اخراجها نسقيها بعصير البرتقال وهي ساخنة(السقوة اختيارية) أوندهنها بالعسل

اللزانيا

نحتاجو لعجائن اللزانيا رها كاينة في مرجان باكية صغيرة ب 20 درهم تدير ليكم لازانيا مزيانة ياكلو فيها من 6 حتال 8 اشخاص
كفتة+ مطيشة محكوكة لقياس لي يكفينا باش تجي الكفتة مطلوقة فيها+ كنور+عطرية ابزار؛ تحميرة ؛ ملح
مطيشة ديال الحك ، ورق سيدنا موسى و معدنوس
فرماج احمر
لصنع البيشاميل نحتاجو للحليب ؛ ربدة؛ فورص، ملح و شوي ديال الكوزة
الطريقة اول حاجة نصاوبوها هي الكفتة
ناخدو مقلاة او طاوة كبيرة نديرو فيها مطيشة محكوكة اوالكفتة تم نزيدو كنور و ابزاروتحميرة و شوي ملح و مطيشة ديال الحك و ورق سيدنا موسى و معدنوس نخليوها تطيب مزيان حتى نشوفوها بدات تشرب لما ديالها عاد تطفيو عليها
تم ندوزو لتحضير البيشاميل
باخدو طاوة نديرو فيها الزبدة تدوب نضيفو عليها الفورص او نحركو مزيان
تم نبداو نضيفو الحليب شويا بشويا معا التحريك حتى نشوفو الخليط ديالنا بدا تعقاد عاد نطفيو عليه
تم ناخدو شي طاوة نديرو فيها الماء يسخن مزيان باش نفزكو فيها اوراق اللازانيا راه كاين لي تيديرها بلما يفزكها فهاد الحالة تيخص تبقا البيشاميل جاريا او الكفتة حتى هيا باش لاصوص ديالهم هيا لي تشربها المعجبات ولكن وخا هكداك راه كتبقا شاحتا شويا دكشي علاش انا كنفضل نغليهم 4الدقايق حتال 6 دقائق باش كيجيو افضل
لمهم ندوز للمونطاج
كناخدو المول ديالنا كندهنوه بالزبدة
تم نكبو شويا ديال البيشامل تم نديرو فوقها عجائن اللازان تم طبقة من الكفتة تم البيشاميل تم عجائن اللازان تم البيشاميل...هكدا حتا نساليو الكمية ديالنا نرشو عليها فرماج احمر او ندخلوها للفرن المهم خليوها ملي تخرج من الفران 15دق عاد قدموها باش تجيكم في تقطاع ساهلة ولصوص تنشف شوي
وبالصحة والراحة

كيك الفواكه الجافة

كيك لفواكه لجافة

المقادير 

1عصير برتقالل

4 بيضات

2فنيلا 

3 كيس خميرة كيماوية

رابعة زبيب مع تمر مخلطين 

كاس (ياغورت)زيت

1 كاس (ياغورت) سنيدة

1 كاس (ياغورت) كركاع

قشرة ليمونة محكوكة

قبصة ملح 

4 كيسان دقيق حلويات

الطريقة

نخلط أصفر لبيض ونضيف بتتابع سنيدة فنيلا زيت عصير ليمون وقشرته ثم الدقيق مع لخميرة مغربلين ونخلط الكل ثم نضيف أبيض البيض مع ملح ونخلط من تحت لفوق باش نحافظ على ابيض لبيض منفوخ واخيرا نضيف زبيب الي كنا مرقدينو من قبل في شوي عصير ليمون ويصفى يخلط مع تمر مقطع ولجوز مقطع ونخلطهم مع شوي دقيق ونخلط مرة واحدة ونصبها في مول مدهون بالزبدة و مرشوشة بالدقيق وبالصحة والراحة

حلوة المادلين

 بيضات+200غ زبذة رطبة+200غ سنيدة+200غ فورص+2خمارات ونص ديال حلوى +2فنيلا
نخلط زبذة مع سنيدة مزيان ونضيف فنيلا ثم البيض مضرب وأخيرا فورص مغربل مع لخميرة وتوضع في كويغطات وتفرن وملي طيب زينيها كيف بغيتي
معلومة.حك ديال الطون الصغير الدائري أحتفظ بهم بعد استعمالهم وتنظيفهم لكي أضع فيهم الكويغطات باش يكون عندها نفس الشكل ولا تميل عند الخبز

بايلا

البايلا

المقادير:

1قطع دجاج

.500 غ قمرون  .300 جرام كلمار  +.500 جرام لانغوستي

·1/2 كوب زيت زيتون

· 400جرام أرز+· 5 أكواب من مرق القمرون

·2 فليفلة حمراء+·2 فليفلة خضراء

·شوي لوبيا +· بصلة صغيرة+6 طماطم

· زعفران+· 4 فص ثوم +ملح ابزار+ورق موسى +جلبان ولقوق

الطريقه:

. سخني الزيت وحمري فيه قطع الدجاج الى ان تاخذ الون الذهبي

.اضيفي الكلمار بعد ان نظف جيدا و قطع الى حلقات ثم الثوم واتركيهم على نار هادئة

حبات الفليفلة قطيعيها الى قطع صغيرة اضيفها الي خليط الدجاج ولوبيا وجلبان ولقوق ويخلط كل المكونات

· قشري الطماطم وقطيعيها الى قطع صغيرة واضيفيها الى الخليط السابق ذكره وحركيه بعد ان تضيفي عليه لتر من الماء ورشي 

الملح وابزار ومن ثمة اتريكيه ينضج ربع ساعة.

. في قدرثاني اتركي حبات اللانغوستين تطهى في ماء مملحة لمدة 5 دقايق

.اضيفي الارز و الروبيان للمكونات السابقة( الدجاج والكلمار) وحركي الكل بملعقة خشبية

واتركي الطبخة تتطهى لمدة 20دقيقة وزيني ببعض حبات اللانغوستين

حلوى خفيفة بالفريز

 

حلوى خفيفة بالفريز:

3بيضات كبارنضربهم مزيان مع كاس سنيدة وملي يبيض الخليط نضيف 2فنيلا وكاس عصير برتقال ونخلط ثم نضيف كاس زيت نواصل الخفق واخيرا نضيف 3كيسان ونص دقيق مغربل مع 2خميرات حلوى ونخلط هم مع قشرة برتقال وشوي ملح

وتوضع في مول دائري مدهون ومفرش بكاغط سيلفريزي وتفرن ولما تخرج نخليها تبرد وتقسم على جوج وتسقى بسيرو من عصير برتقال وسكرسنيدة مغليين شوي ونكون محضرين كريمة طرية مضروبة مع سكر سنيدة وفنيلا
نضع كمية من الكريمة على الطبقة 1ثم الفريز مقطع ونحط الطبقة 2 نذهنها بباقي الكريمة والجوانب ايضا و نرشهم باللوز آفلاي ومن فوق التوت أنصاف وندهن وجههم بباقي السيرووخليها تبرد وتقدم

كرواصة مالحة

 

‎:55ogدقيق مزيان +ملح+خميرة خبز 1ملعقة كبيرة 1+ملعقة صغيرة خل +بيضة وماء دافي للعجن ونحتاج 250gزبذة للتوراق .نعجن كل المقادير بلا زبذة ونخليها ترتاح بعدما نقسمها على اربع كرصات متساوية ونقسم الزبذة كذلك على اربع وبعد 10دقائق نسرح كرصة ونسرح فوقها جزء من الزبذة ونأخذ كرصة ثانية وتكرص بحال البطبوطة و نمدد فوقها جزء من زبذة وتوضع فوق الكرصة الأولى ونفس العملية للثالثة وتوضع على الكرصتين الاولى والثانية والرابعة نفس الشيء حتى نحصل على خبزة كبيرة نكرصها مزيان وتطوى على ثلاث وتبقى 15دقيقة ثم تمذذ بالدلاك وتطوى وترتاح 10دقائق 

ثم تسرح شريط طويل قل من سنتم في السمك ثم مثلثاث تحشى بالصوصيص وتطوى هلالية و تحشى ايضا بقمرون مشحر مع البورو وملح وابزار و معدنوس .ممكن تكون حلوة وتحشى شكلاط لكن نضيف في هذه الحالة ملعقة كبيرة سنيدة .و ملي تخمر الهلاليات تذهن بالحليب مع قهوة والفرن ساخن جدا

كيك اللوز

250غ لوز مطحو ن بقشرته وماشي بزاف نخليه شوي بحال سميدة غليظة 
250غ سكر صقيل+4 بيضات كبار+كاس صغير فورص +خميرة حلوى ونص +راس معلقة قرفة+قشرة حامضة+معلقة كبيرة عسل أو مربى مشمش +نص كاس ما زهر.
أول حاجة نخلط أبيض البيض مع شوي ملح ليصبح كالثلج ونخليه جانبا 
نخلط أصفر البيض حتى يصبح علين أبيض ونزيد سكر ثم قشرة حامض والعسل وما الزهر
نغربل فورص مع لخميرة وقرفة ونضيف ليهم اللوز ونضيفهم لخليط أصفر البيض وملي يتجانس الخليط نضيف أبيض البيض ونخلط غير من تحت لفوق باش مايطيح الخليط ويبقى منفوخ 
نفرغ الكل في مول كيف ما كان شكله مدهون ومرشوش بدقيق وتذخل فران طيب بحال أي كيك من 15 إلى 20 دق 
ملي تخرج تزين بشكلاط مذوب و تزين بلوز آفيلاي 
شوفو الصور انا كل مرة باش كنزينها