بسطلات صغار
1 دجاجة+كيلو لبصلة مقطعة مكعبات صغار
ملح
ابزار
زعفران
و شوية قرفة و اللوز محمر ومطحون شوي مع سنيدة وقرفة
نعملهم فالكوكوط يطيبو مزيان و من بعد نزول الدجاج على جنب أما البصلة و المرق اللي بقى لينا غادي نقليوهم حتى يوقف فيالزيت وناخدو 7 بيضات او 8 نخلطهم مع شوية ملح و نضيفهم على المرق منحركش غير ندير فراغات بين البيض باش يطيب مزيان و من بعد ملي يطيب نزولو ونخليه يبرد
ناخدو الورقة ديال البسطيلة ندهنها بخليط زبدة و زيت و نفرتت عليها الدجاج و نضيف البيض مع البصلة و فالاخير اللوز مطحون غير شوي مع سنيدة وقرفة و نجمعها على شكل بسيطلات صغار
ندهنهم بالبيض مخفوق او الزبدة از الزيت فقط و الى الفرن
ملي يتحمرو من جوج جيهات ندردر عليهم اللوز مهرمش
و بالف صحة و هناء
